CHRISTY TSUI

50相片文章 | 1影片文章 | 146848瀏覽次數

本人為全職婚禮統籌師並為新人擔任婚禮司儀, 大家想搵我既, 可以EMAIL 比我架 [email protected]

2011-04-17 SZE & LUNG @ THE 煌府
2011-04-19 01:20 PM | 13307次瀏覽

主角: 詩 & 龍
地點: THE ONE 煌府 細廳


3:00時個天黑黑地, 跟住接到老公打黎話佢公司個邊落好大雨, 叫我小心D....3:30真係大雨到無朋友....好彩 4:00 細好多...我可以出去啦, 我仲擔心緊一對新人, 原來佢地到左酒樓啦...個天對佢地都幾好...HAHA...

去THE ONE 煌府做JOB 係我一路都祈求既工作, 因為成日都夾唔到時間, 接唔到係THE ONE 既JOB...所以龍搵我時,好開心。。一來佢係我另一個係上年結婚既客阿勇既朋友, 勇介紹我比龍既,話我做得好好. 二來我真係想上THE ONE做, 雖然係細場個邊, 但都好開心架啦.
不過上 13/F , 都要係上到UG 先轉LIFT,真係有D煩....TST 而家D新商場好似 ISQUARE, THE ONE D D場真係有D玩起D 老人家....唔係個個人都咁識睇而家D商場既路標, 我都係其中一個老人家....HAHA...用左3個字先上到去...

去到門口,經過左大場, 見好多人係大場, 因為有另一PAIR 新人擺酒, 覺得個FEEL 好正, 好PARTY COCKTAIL FEEL, 個個都企左係度傾計...希望有一日可以接到大場個邊既JOB啦.

好啦, 行多2步去到細場, 個門口掛左 詩同龍既POSTER...龍既招牌笑容整晚無停過...佢真係一個大細路


上半PART 好FREE, 下半PART 好SWEET

RECEPTION 好簡單, 但超MARCH 個場既FEEL, 唔好太多野, 否則OVER左就叫 "雜"


新人既簽名布, 新人好SWEET


明明相影左好多, 但新人諗住個PROJECTOR 會播PRE-WEDDING 既相, 所以只係攞本
最細既相薄...我同佢講, 不如收左張枱佢啦, 因為咁樣好攪笑......


門口行向台, 係呈L字型, 有少少美中不足, 但MARCH IN時唔多覺既, 因為煌府會將白色樹葉個類似拱門移近D台, 進場就無咁L


係台下望上台, 都覺得樓底高, 好闊絡


係台前望向個場, 個FEEL 真係正, 天花上有唔同既LASER 圖案, 台前有CATWALK燈箱
D水間燈又GRAND


D 圖案係多左D, 如果可以不停轉款, 而每次都係歸一D就更加靚


客席典雅, 睇得出佢地真係落足心機形造高雅感覺, 杯碟都有花紋架


主家席傳統得黎唔會太中式化 (即係大龍鳳個D)


係個場邊個位影相都一樣咁靚




麻雀區就細左D..不過旁邊咁開揚, 打多幾圈都唔覺累


因為化妝需時, 龍又去左買酒, 我就同酒樓既員工傾下計, 一去到其實我見到郭經理時都認得佢, 原來佢都認得我, 真係好橋, 介紹龍比我認識既勇就係始創煌府擺酒, 而郭經理係始創個邊調過黎, 而今日見到阿勇佢問我係唔係做過紅磡個場, 原來佢親友去飲見到我, 認得我....

因為詩都仲化緊妝, 唯有一班兄弟姊妹同龍影下相啦


化好妝啦, 因為好多人未飲茶, 但時間都唔早, 咁唯有切左蛋糕之後一氣過斟茶影相啦


龍既笑容好真誠架, 唔係扮出黎迫自己笑個種...所以大家知佢有幾開心


一刀切到尾, 祝兩位白髮齊眉


飲過合巹酒, 唔使2頭走

新老爺新奶奶好錫龍, 飲過新人茶, 一世無憂煩


唔少得兩襯家合照啦

跟住不停斟茶影相, 有D空檔抖一抖啦, 個BACKDROP 點睇都係咁靚


跟住見有時間, 我就提議2位影返D 2人影



有時間啦, 到我啦


詩都好累啦...詩個樣, 我唔識形容, 好有 "美"感, 個仲"美"係有氣質有秀氣個仲...我都好鍾意D類型既女仔架


而場中有個好型仔既小朋友, 髮形又PUNK, 套衫又型....好CUTE呀


好啦, 8:15啦, 新人去換衫, 我地都要準備開場, 而因為女家只有4圍, 男家成十圍有多, 但原本男家唔做SITTING PLAN, 而唔知RECEPTION 係唔係唔太識提D賓客佢地坐邊圍, 入座時好亂, 好多人坐錯左, 詩要求我幫手公佈女家係邊幾圍枱號, 請大家坐返啱既位, 點知真係好多人坐錯左...而原本13圍, 因為D人好賞面, 加左一圍又加多一圍, 最後成15圍, 個場真係幾迫下...而我又要每枱叫D賓客坐入D, 驚個升降台整親佢地


所以大家見到無椅係掂到個CATWALK 路線, 進場前係要升高架


BACKDROP後係一個大MON...在場只有2個投影器, 一個係台上D個, 另一個係麻雀區


就黎開始啦, 個場超靚, 台上仲PROJECT左心心, 好ROMANTIC


跟住重頭戲黎啦, 龍既進場方法係我SUGGEST既, 同郭經理講佢地平時用既方法有D唔同, 我個個可以用足在場既設備, 而郭經理個方法就只用到CATWALK個台,又無咁好氣氛。。。因為事先WARM UP左班賓客, 到2位行到CATWALK 最出位置時, 整個場既賓客好合作, 造出全晚最顛瘋既一刻, 我係後面都見到詩同龍好開心...我都好滿意呀

之後都係做返要做既儀式, 原本係第3道菜播早拍晚播既, 因為食左豬後兄弟發覺D經酒比人飲晒, 全班兄弟好唔話得, 唔食野都去惠康搬左30支酒上黎...咁我見佢地走晒, 我即時同酒樓講改一改RUNDOWN, 而龍又話有野想再同DADDY MUMMY 講, 咁我就同佢講敬酒後先播片啦, 因為班兄弟唔係個場, 不如等埋佢地, 而且詩又可以一齊睇, 又可以一氣呵成叫新人上台同DADDY MUMMY 表示佢地感激之情, 龍好贊成

好啦, 敬酒啦, 好熱鬧呀



詩同龍幾HIGH


新奶奶錫仔仔之餘, 仲好錫新抱架, 成日問詩餓唔餓, 叫詩食野


同大家分享早上既開心片短, 片中既狗狗幫左姊妹好大忙, 幫手玩班兄弟


係唔係真係好辣先?

大家睇得好開心

幾開心, 新人一齊睇


好啦, 之後就係影相影相同再影相啦 , 攪掂食碗麵..


最後因為 2個場都同時送客, D LIFT 又慢, 攪左好耐先可以搭到LIFT......


內容節錄自:http://hk.myblog.yahoo.com/weddingmctsui/article?mid=2622&prev=-1&next=2579

登入登記成為會員即可留言回覆。