婚禮投訴科: 如果有D什麼不公平的消費,請在此分享! (10042次瀏覽)

婚禮投訴科: 如果有D什麼不公平的消費,請在此分享! 大家努力團結,一齊打擊黑店!!

Panda - Siu Wing | 2011-03-22 12:03 AM

Felice Portrait 專業攝影, 正一黑店

http://www.ubuyibuy.com/HK/zh/offers/89-268-for-professional-photography-services-at-felice-portrait-2688-value

間野在佐敦道的商業大廈, 專門以平價作招徠. 幫你影完相之後就以超貴價錢賣返D相比你. 如果你唔加錢佢就連原本package $268應該有的相都唔比你. 拖足你4,5個月.

邊個中過招請留言唱衰佢

From: aabbleehei

Panda - Siu Wing | 2011-03-22 12:10 AM

影相黑店-Felice Portrait

各位:

千萬不要幫襯一間名為Felice Portrait影相店, 我在26/11到上述影樓影相, 4/12睇相及付錢,12/12 Felice send email confirm ok not, 我在15/12回覆需要更改, 遲遲未有更改版給我,就致電Felice, 在30/12才給我一個未有更改版我再confirm, 我在1月初致電Felice, 為何沒有更改, 當時staff就話designer放假唔清楚, 叫designer 回覆, 11/1我還沒有收到任何回覆, 再send email Felice聲稱沒有收到任何回覆, 我就揾Felice當日負責收錢個位staff追問, 為何沒有人根進我單case, 我無法confirm 啲相okay or not, 他口頭承諾可以幫我跟進, 可以在1月底將所有photo, album, 相架及LED, 到了1月2X我致電問情況, 他說不大清楚, 還答覆唔到幾時可以, 到最後他答應可以在7/2取, 今天14/2我還沒收到電話通知可以取貨 。

From: Wiggles

Panda - Siu Wing | 2011-03-22 12:12 AM

又見到D不公平對代!

上環Abana Bridal婚紗見錢開眼 十分鐘賠一千

資料由asbhainta @ UWANTS 發出:

本人租用Abana婚紗。還衫當天店員2:40來電,說要3:00還衫,我說已在途中,因路面多車,或遲10分鐘。對方說book了車收衫去洗,「如果架車走左就要罰錢。」我問架車幾點到,店員:「三點幾,早既話可能三點三。」我先生開快車,到永樂街(婚紗店所在)即刻打電話說已在樓下,當時3:07。店員:「架洗衫車走左了。」我問:「咁係咪要罰$1500?我地已經趕黎,而家係樓下!」店員:「我打比司機睇下架車係邊」佢3:09再打黎,話架車已出左九龍!我說「下…咁係咪要罰錢?只差10分鐘」店員:「我打比Yvonne(老闆)問下,叫你先生上黎先。」佢再打黎:「Yvonne話我地唔係遲好多,象徵式收$1000」(1分鐘罰100,係咪要多謝你)我先生抱住三袋衫成身汗跑上去,店員話架車走左冇辦法,我先生話幫佢載衫去洗,佢話個度唔比其他車入,我先生話「咁架車泊出面,我行入去得唔得?」佢又話d衫唔放心再比人攞出去。我先生:「2:40時,你明知我趕緊黎,你叫司機等我幾分鐘都得掛?」店員:「你知啦,揸貨車既人好惡,下面又泊唔到車。」(原來惡真係大晒!)經過多翻請求,我更在電話激到喊,佢仲話「遲1分鐘都係遲!」又話「我地book架車要$800,公司象徵式收200咋。」($800book車?唔通book架benz載衫?)最後因我地仲有好多野要還,冇時間糾纏,比左$1000。我先生臨走說,張單係寫3:00還衫,但頭先check衫都用左十幾分鐘!有乜可能book架車3點?店員答唔到!我地遲到係唔岩,但件事在人情同常理上都有唔妥,我覺得被「屈錢」!取衫當天,我發現婚紗有被刮破痕跡,d線爆左出黎,店員話叫師傅修補。店員係咪應check過件衫先比客人?若我冇發現,還衫又要賠錢?而且我同先生等補衫等左半個鐘都冇怨言。我嗰半個鐘有冇賠比我?最後奉勸Abana,有規矩的公司或有業績,有良心的公司才會長久。

http://www.uwants.com/viewthread.php?tid=11951894&extra=page%3D1

Panda - Siu Wing | 2011-05-02 10:47 PM

結婚是人生大事, 如光顧了一些所謂黑店, 不但令人掃興外, 更是令到婚禮留下不美好的回憶.
現設立此舉報區, 希望大家在這裡分享對一些結婚店舖光顧過後的感受及以便日後將會幫襯的朋友有所警惕

請必須有事實根據
如非屬實或惡意抺黑,會員須自己付上所有責任!

Panda - Siu Wing | 2011-06-20 01:15 AM

金都 "玲x"

涼粉冰冰 -- 劉師奶 POST出:

Case 1

尋日我去左金都訂過大禮D野、其我本来都有2套、
但見到D晩又心思思想租多套。。。行到1/F有間叫「玲X」門口、
見到有件晩都好似幾好、甘就停低望左幾眼、
跟住有個女人走左出黎、好有禮甘話:入黎睇下、無所為架。
甘我米同BF入去羅。入到去我就問イ巨o尼件単租幾多$阿?
個女人話:HK1200、可以試下渦。。。你過黎阿!o尼仲多款阿!
イ巨就帯我行左過幾間鋪、話係新開。
但係我無睇o岩、我就同イ巨講:我都係想試頭先個件。
個女人就話:好!無問題、我羅過黎!
我試完覚得個CUTTING麻麻地、就同イ巨講:我(言念)下先LA。。。
知個女人: 仲要(言念)o羊阿?得甘靚解吾租阿?有o羊問題阿?
我:我覚得o尼度好似吾係幾好睇。。。
個女人:到時幇你修返架LA!(態度開始差)
我:我都係想返去(言念)下先。。。
個女人:仲(言念)o羊阿??!一早講左到時幇你修LA!!!
我:......我想換返出黎先.......(因為編左D針係度、所以我自己除吾到)
個女人:話個個又係你!話除個個又係你!玩阿!!
    我吾明你重要(言念)o羊羅!!!
我:......我想除返落黎.....
個女人重吾肯幇我除...
我開始興:解你吾可以比我返去(言念)下??
個女人:除LA除LA!!!!
到我換好出黎、イ巨完全無望過我、都無理過我、
我就放低件晩米走羅!!
真係好興!解試件晩都甘受気??!
各位姐妹、如果吾想甘受気、就想清楚先入o尼間野La!!!

Panda - Siu Wing | 2011-06-20 01:17 AM

Case 2
我今次其實都想post呢間咁野出來叫各位姊妹小心小心~因為真係激到一肚氣

叫到有姊妹申訴不快經歷,我都想講埋一份,都唔使開多個post..!!!!

話說今日我同幾個姊妹去睇衫,入到去呢間野睇o個陣,有個好師奶的女人走過來好似好好service咁; 後尾看多幾看,我個位朋友只不過講左句"呢件都唔係好靚"
之後個女人就反轉豬肚,用手指指住我個朋友勁串話"咁你去第二間睇啦,呢d唔岩你架啦,走啦走啦!!" 我都呆一呆,原來有人做生意可以做到咁既!
後尾我幾個朋友咪同個女人講:"你呢d service聽執笠啦!" 佢仲要好得意洋洋咁講:"係呀,我會執笠呀,慘得過我有幾間分店呀,執都執唔到呀...!!!"

未租都攪成咁!!! 各位姊妹,真係連入去看一看都唔好呀!
因為人地唔憂做架!!

Panda - Siu Wing | 2011-06-20 01:18 AM


Case 3:
各位我都是在玲X租姊妹衫給我的姊妹,sale 我的是張小姐,未join時什麼都得,好多款揀,我要求只是set顏色,總之什麼都ok,拿好多衫出來,我們覺得都ok,所有join了,我7月中book,佢話揀款三日前打去便可以,而且會拿多些比我們去揀,那麼我信佢,意為放下心頭大石,點知激氣的現在才開始 ,我唸住9 月1 日兄弟約姊妹們那天一次過食飯揀衫,因為我們全班都是反shift好難就到時間,為了約到9月1 日,我已不理鳵張鍊灸小姐說三日前book便可,我8月初打去book,一個女人告訴我無期,最早已去到9月7日,咁當初唔好話我知只須三日前,我當堂無話可說照book住先.
幾日後唸住book多日,又有一個女人話我知9月4 日有期,點會咁??
到第一天,那天是我的伴娘妹妹和家姐揀款,因為不想同姊妹撞(姊妹粉橙色),去到試款度身那個態度沒什麼,因為只有佢一個,佢很busy,其他是sale,無人拿3給我們,我為有自己去拿,我們在1樓細些那間,我拿一件去試那個又矮廋黑口黑臉,高高大大那個就比說話我"今次又拿什麼顏色"
我忍忍忍 ,但我妹妹試了5,6套(我已無規定什麼顏色),都無期,我可以點,最後無可耐何揀了一件不太合心水,我家姐只仲衰只試了3件,根本無3 給佢試
到姊妹那天,我有5 個姊妹,其中2個早到了,(佢地告訴我)給一個又矮又廋的女人,"叫你5 點就5點,咁早黎,我唔會理你!!!!!!!"駛唔駛呀 !又係那個矮廋女人,
我有5個姊妹,佢地真係只拿了5條給我的姊妹,問佢可唔可拿多幾條出來,高高大大那個(只是經過)就話"我有100條拿出來比你地,你地都試唔哂啦!!!!!!!!!" 我其中一個姊妹忍無可忍,就話"你係唔係要我們搓飽剪,就啦咁分了那5件3",才拿好多幾套
經過此次租3經驗,我的姊妹說永遠都不會去呢間

Panda - Siu Wing | 2011-06-20 01:19 AM

在太子金都商場租姊妹衫的極度不愉快,極度憤怒事件
話說我個fd 起10月9日結婚, 佢起太子金都商場的金都廣場二樓的”新X意念服務中心” 鋪頭租左6件姊妹衫+2件伴娘衫俾我地做姊妹著.

我地班姊妹起9月9號(星期六)同d 姊妹去揀衫,點知去到無乜款式可以揀,
個個鋪頭有個上海婆話d 款俾人地租晒出去,叫我地下星期六(9月16)再去.
好了,我地9月23再去, 去到, 又係果d 款, 跟住果果上海婆又話d
款仲未返,我地開始嬲嬲地, 諗住算了, 求其揀一件la,諗住試下,
點知佢話星期六,日唔俾試.
真係嬲爆, 大佬, 你星期六,日唔可以試,上星期就應該講我地知la,
唔應該叫我地今個星期六來,我地來左兩次你先咁講.

最後佢地唔俾試我地都無計, 呢個時候,呢間鋪頭的另一個職員來左,話你地平日來la,
我地話,好la,我地星期三來la, 呢個職員話好la, 星期三d 款會返齊ga了.

咁我 地星期三(9月20)去到, 又係果d款,果個死上海婆就話d 衫armarm 扲左去洗,
我頂佢ar, 你上星期六叫我地星期三來ga 嘛, 而家又扲左d 衫去洗, 係味玩喲,

點知果個上海婆罵返我地轉頭話我地唔唔打電話話佢知今日來,
我地咪話上星期六你地同事叫我地今日來ga麻, 我地同佢講左ga了. 點知佢話,
你同佢講,但你地無同我講,

今次真係怒到爆, 我地使唔使 同你地每個staff都講聲今曰來ar,
如果你地公司如果有100人,我地係唔係要同100人講ar? 當時你同另一個同事都在場,
你都應該聽到我地話今日來,
就算你聽唔到,係你地內部的溝通問題wow.

點知果個上海婆仲變本加厲,罵我地話:"你地之前要香檳色,而家又改左粉紅色,
我地都無怪你la, 香檳色咁多款,你地又要改".
我地咪話色係你應成俾我地轉的,而家問題係你地,
次次都搵借口話d款唔起鋪頭,問你地有無相睇,又無,
你係無款你老實同我地講,唔使我地來三次都無,都係果d 款. 而且態度極差.
點知果個死人上海婆仲係不斷罵我地,唔話佢知今日來,
又話我地改色.
咁我地問佢可唔可以見到鐘意的款,佢地做返一件粉紅色,點知佢好寸咁話,唔得ga bor,
你地呢d 係特價衫,無得改ga bor,
最後我地唯有張就下,無起求其揀左件,我地扲左兩件試,想試多件,點知佢開始黑面,唔係好想俾我地再試.
試完後,佢幫我地度身,我同個fd再三叮祝佢唔好搞錯我地件衫.

跟住我地10月5號(星期四)打去問d 衫改好未,有無得試身,
點知佢話,我果件租左出去,最快都要星期日(10月先有得試,但我個fd10月9日結婚了bor.
唉..最後都無計,
有幾個姊妹星期日2點幾去到,試衫同扲衫,有個姊妹件衫窄到拉到拉唔到埋鏈,有個就長得齊,叫佢改,點知果個佢話,長d
咪仲好睇,
唔肯改,其實,所有衫佢都無改過.
而我果件最嬲,佢竟然留錯左第二件俾我,雖然我都搵得返我揀果件,但件衫都唔知有無洗過,而且無改過,好闊,唔arm身,而改衫果個上海婆又上左大陸,連改衫的衣車都唔知收埋起邊
今次真係忍唔住,罵佢不知所謂,點做喲ga?
一次,兩次,三次,四次都係咁.有無搞錯,果個幫佢睇鋪的女人,就話佢幫我改,但衣車都無,點改ar?
佢就叫左我出去,佢關左門,叫我起門口等.

然後唔知去左邊間鋪頭幫我改,但改完都係好闊,唔arm著,
佢又要我出去,佢又去第二間改,咁我話,一係我跟埋你去了,費事你改完又唔arm身,行來行去,佢話,唔使,改埋今次應該得了,跟住又話,
算了,我幫你用針線鏈幾下就得ga了,點知佢拆左兩邊d 線,
再係咁魚鏈幾下就算...低能,當時真係好驚做做下姊妹,條裙爆左.果時又有幾個女仔入去睇衫,當時真係好想同佢地講,
唔好起呢間租,唔係你會勁後悔.但我太好人了,無講出來,到最後我走果時,係咁魚同果個女仔扲下頭,提示佢唔好起度租衫.

唉..真係未見過咁差的鋪頭,
俾錢之前都唔知幾好態度,呢樣又得,果樣又得.俾完錢態度180度轉變.

但原來好戲在後頭,尋日(10月10日),婚禮後一日,我個fd(新娘)叫左佢個賓妹扲返d衫去還,點知果個上海婆話我地d
姊妹衫,有煙頭窿, d 群尾踩到爛晒,問我地玩咩,搞成咁, 要新娘陪1000蚊,
仲話佢地d 衫好貴2千蚊一件.
頂佢個肺,
明屈錢,明明我地10月9日果晚完左個婚禮,換衫都唔見群尾踩爛左,又無污濁到.
最嬲係佢屈我地有煙頭窿,我地大部份姊妹都係大學生,甚至研究生,個個都好乖,平時粗口都唔多句,
無一個姊姊食煙,聞到煙味都走都走唔切la,點知有煙頭窿呢,我地著左成日,有煙頭窿我地會睇唔到?
當我地發雞盲ar?
仲有我地成日的行程,沙田新娘屋企先換衫->跟住就坐車去尖沙咀擎天半島新郎家->之後又坐車去數碼港的玫瑰禮堂行禮->之後去左數碼港的La
Meridian Hotel 的Cocktail Party
-->之後就坐車到尖沙咀洲際酒店晚宴.
成日的行程都係高級乾淨的地方,而且好多都有地毯, 何來搞到d?尾污漕晒同爛晒呢?

仲有,就算d 群俾我地踩污漕左,都係佢地問題la, 係佢地改衫,改得唔arm
o者先令我地踩到,我地扲衫果時,叫佢改短d, 係佢話長d 好睇. 而家來屈返我地轉頭,
明顯係烚 個賓妹講英文,
唔識同佢講左. 賓妹打電話俾我個fd
同個上海婆講,我個fd話,2000蚊我地就唔俾ga了,300蚊俾你算la,當係施捨俾d 乞衣la.
點知佢唔肯話最小500蚊,仲話佢地d 衫好貴2千蚊一件.
果d 咁o既爛鬼衫2千蚊一件,金都商場差唔多間間鋪都有呢d款的衫,
而且我以前去過廣州果條婚紗街,果d 果d 新娘好靚的晚裝先3百幾4百蚊,佢果d
姊妹衫,係d 紗布,加小小珠片,值2千蚊?

最後我個fd都係俾左500蚊佢,佢話算la, 佢一個鐘都唔止賺500蚊,
但我地同其他姊妹就好嬲law..唔係錢的問題,係淡氣的問題, 佢d
服務咁差,仲屈我地俾多500蚊佢.

最後我地覺得呢間 喲,唔幫人改衫,仲話長d
好睇d,其實係佢地的呃人手法,目的係要屈我地踩爛佢d
衫,屈我地陪錢俾佢.呢間正黑店,各位無論你地就來結婚,都未結婚住都要認清呢間黑店,
唔好去幫親,唔係你地會後悔一世.搞到自己果婚禮有唔開心.

Panda - Siu Wing | 2011-06-20 01:20 AM

轉貼 - 請不要幫襯金都『全x您』-- 完全係黑店,而家仲未還錢!! 

事緣剛過去既3月30日係我既big day, 之前響婚紗展幫襯『全為您』既租車服務,以$2000 租了一架 26 VAN + 銀色四眼仔Benz主婚車(3小時用)。響大婚前果個星期一,『全為您』既李小姐打電話來confirm時間以及比我兩架車既車牌號碼,仲比左個姓何既先生電話我,佢話何生係負責control當日租車安排,當時,我仲李小姐講,Benz可能要開OT。

點知響大婚當日我老公見到架接佢既Benz竟然係一架超殘&舊款既金色Benz,之前我準備了價值七百幾蚊既車頭公仔,完全match唔到架金色Benz。我老公即刻問個司機,但司機就事不關己咁,叫我地自己聯絡番何生。我老公等接我出門前,先靜靜雞同我講話部Benz貨不對辦,當時我好嬲,但又唔想比屋企人知道,於是等我出完門上到車,我就即刻打電話去『全為您』,但有位阿生又叫我打番電話問果位何生。點知果位何生就話之前一日打左電話比我老公,話臨時安排唔到車。我覺得好奇怪,第一,我老公冇收過佢電話,第二,既然臨時安排唔到車,又點解星期一果日比我個車牌號碼同呢架金色殘舊Benz同一車牌呢?分明係處心積累欺騙客人,正當我想提出此兩點同佢理論之際,何生就話『今日妳大好日子,唔好為呢d事影響心情,我收少妳$500蚊。』跟住我再同佢再confirm一次,係咪收少$500蚊,佢話係!

但當我地去到男家,Benz要還車唔駛開OT時,個司機竟然話何生叫佢只係收少$200,我即刻打電話比何生同佢理論,何生竟然話『當我黑仔,唔賺妳錢,收少$500,就收少$500。』當時我好嬲,明明係你自己講收少$500,但又反口,之後仲要講到我屈你咁,我覺得我仲黑仔過你,幫襯左呢間黑店。

好啦!諗住一切告一段落,點知下午去到酒樓時,其中一位兄弟令住張$380收據來問我老公令錢,我老公覺得奇怪,於是問佢for邊張單,佢話果位26 VAN 司機車完班兄弟姊妹到酒樓後,問佢令左$380,話係OT錢。於是,我老公走去新娘房問我,我話冇理由架?明明不足3小時,點會有OT錢。Then我老公打電話去問何生,於是何生叫我老公第二日打電話比佢,比底個銀行戶口號碼,佢會入番$380比我老公。第二朝早,我老公照何生意思打電話比佢,講埋個戶口號碼比佢聽,何生亦應承晏d入番錢。因為我地呢日就去西班牙 honeymoon,老公想響臨去機場前解決呢件事,於是7pm去online bank check數,但見何生仲未過數,跟住打電話比何生,點知何生突然話『我地剩係負責租巴士,租私家車要打番電話比王生,你打電話問佢攞番錢。』於是我老公又按佢比既號碼打電話去搵王生,但王生一頭無緒地話冇收個要退錢既消息,仲話『唉!真係見鬼啦,冇收過呢個電話』,跟住我老公將個 story 由頭話比王生聽,王生就誓神劈願話31號10點前親自處理,並會把$380入回我老公戶口。我老公仲同佢講『嗱!唔好再話收唔到電話,我7.45pm打過比你啦,有晒record。』我老公意思希望佢記得,唔好再有其他籍口,點知王生串番我老公,話『我地大人來架,唔駛咁講野呀!哥仔!』(OK!就睇下你有幾大人!!)

到了今天,係我地去西班牙的第6日,我老公再check番佢個online banking戶口,但呢位王大人仲未入錢,我地真係好嬲。原本諗住佢入左錢,我地就算數,但佢地不停食言,仲唔認衰,又串供供!跟住睇番呢個 forum,先知呢間係臭絕全行既租車公司,真係好後悔幫襯呢間公司,令我地一切順利完美既婚禮留上瘕疵!所以即使我地現在響西班牙,都要特意用$8EURO (per hour internet service)來數臭佢,希望各位準新人要多加留意!

Panda - Siu Wing | 2011-07-25 02:36 AM

以上資料來自 鬼爆仔:
http://www.discuss.com.hk/viewthread.php?tid=7004338&extra=page%3D1&page=2

Panda - Siu Wing | 2011-07-25 02:38 AM

請幫忙分享這個post:
[size=18]準備結婚既你,如果對在觀塘工業區的這間鋪有興趣,一定要睇以下內文,否則隻會好似我地咁中伏,唔見錢之餘亦無咗唔少精神同時間。千萬唔好因為平價而吸引,最終導致得不償失。

由於這間鋪不負責任的態度實在令我地感到太失望,我地已分別向消委會及壹週刊作出投訴(詳見附圖)

以下系我地既親身經歷:
我系網上見到這間鋪既宣傳,就同老公上去間樓上舖睇衫,雖然眼見隻有一兩件合心水,但由於當時老闆同老闆娘既態度好熱情,所以我地開始傾package。我表示大部衫都系公主泡泡裙款,A-line極少,但當時老闆娘遊說我地:「我地隻系剛剛開業,款式未齊架,唔通我地隻系做一類既客咩,個個新娘都想多D唔同既裙款的,不用擔心,遲D實選到的」。重話每一兩個月就會返新貨,會有好多新衫,A-line當然都會返,又可以無限轉款,上網亦可以揀衫款。當時我正在考慮中,但老闆娘再次遊說:「遲少少揀都不成問題,實揀到的,仲話優惠唔系成日有。(註意:佢地sell客手法系,話自己系啱啱結婚,系過來人,會俾好多建議你,令你會覺得佢地好為新人著想同埋好似識好多嘢咁。而且,呢間鋪其實長期都做優惠的!!!)我地個package系可以造租(自訂款式)一套衫既,由於個package幾吸引,所以我地即時全數full pay(必須)。

我既惡夢亦從此開始喇,當我幾個月後約時間上去睇衫時,佢地成日都話full booking,無時間俾到我,當我終於約到上去啦,又發現所謂既 「新衫」 數量是幾隻手指都數得出,仲要又系泡泡裙,A-line唔見影。至於做租個套就俾左參考圖佢地,但未開始度身做。

呢個時候,老闆老闆娘兩人態度180度轉變,上到去同你打個招呼後就唔點理你,亦無傾過造租衫設計圖,呢d系咩服務?我知道人人有情緒,我要體諒下佢,但傾多幾次都系咁,唔通我真系攞苦黎辛,貼錢買難受?我睇在自己俾左錢份上,忍。

呢個期間佢地唯一可取既地方系:之前應承左俾我著去pre-wedding套婚紗,我們也可租用,這亦是我地唯一用既衫。當距離BigDay隻有3個月時,作為新人,面對好多繁瑣既婚禮事項,仍然要為著呢間舖既所謂承諾究竟能否兌現而煩惱,實在萬般不想,但卻要硬著頭皮去處理!!(所以,大家真系要三思啊) 當然,結果都系失望啦,我再打電話想約上去睇新衫,問及有關返新貨既時間時,老闆娘突然系電話度講:「我覺得同你合作唔到,我退錢俾你啦。」我立刻答好,咁退錢當乜事都無發生過!反正佢地服務態度咁差。

之但系,過兩日老闆主動打電話話可退錢,但要扣番pre-wedding個套衫錢,OK我明白,呢個系我應該俾既。另外仲要扣埋做租新衫個套錢!再加埋我上去試衫既 「服務」 而涉及的行政費用,總共$XXXX,嘩,禁住黎搶呀!都未做租就要扣錢?設計圖都完全未傾過,再者,所謂行政費,你話值幾多都得啦,試問我唔試衫,又如何租衫呢?這本來就系一個連帶既服務,又如何可以拆開計呢?完全系「歪理」!我當然唔肯啦,咪同佢理論囉,前前後後都理論左成半個月,我一蚊都仲未收到,在無助之際,我唯有上消委會投訴,消委會接觸過佢地,但佢地回覆消委會話:佢地唔系無俾服務我,系我唔用者,完全唔記得系佢地自己主動提出唔合作!!!講大話唔駛本

我隻好即時搵過曬d 衫,幸運地,我終於搵到自己鍾意既衫,雖然系俾左double錢,但最重要系自己鍾意之餘亦享受到應有既 」service」。依家我都結左婚,我真系覺得自己好蠢,信錯呢間公司,搞到自己浪費咗唔少精神和時間,真系不值。

總結
其實結婚系一件開心事,點解做生意要做到咁樣?婚嫁行業應該系一個祝福既行業,佢地咁樣欺騙顧客,前言不兌後語,真系行業之恥。

佢地話會不斷返新衫,但其實佢地唔系好多衫可以俾人揀,年中又有咁多新人,你點可以咁容易揀到自己鍾意既衫丫?你揀左佢分分鐘又會話有人mark左,無期,事實上,佢地d衫既總數根本唔足以應付所有客人。想揀到岩心水既衫?想轉款?除非你系新客啊。

以我所知,我唔系第一個,我朋友都中招,又系join後揀唔到衫,之後約唔到上去睇,莫講話轉款,連睇衫既時間都無。最終都系搵過另一間公司提供新娘衫!之但系我朋友搵人打上去扮新客,又唔知點解可以好快咁約到時間上去睇,由此可見,俾錢前同俾錢後既待遇的確唔同。

大家試想想:如果我地唔系憤怒到極點,又點會投訴完消委會後又搵傳媒幫手?因為這間鋪的服務態度真的令人太失望了,大家千萬不要為慳少少錢而搞到自己一身蟻。以我所知,仲有唔少客人遇到類似情況,隻是因為Join了而敢怒不敢言,大家可以上esdlife就知。我都預咗出呢個post後,老闆娘會「化身」不同既身份作「澄清」和「回應」(好低手),眼睛雪亮既你一睇就會明白。

講到呢度,我地都舒了一口氣,最後,希望大家可以廣傳這個post開去,讓你身邊準備結婚的新人瞭解香港有如此的一間「婚紗黑店」,最後祝大家搞結婚順順利利,開開心心!
[/size]

溫馨提示:其分店Wedding renaissance,當然也要小心啦

http://comtools.esdlife.com/wedding_forum/viewtopic.php?t=255442

VC -- Wedding Planner | 2012-07-24 04:32 AM

婚宴攝影 金都黑店 "全為您"
簡介: 在"全為您"幫襯影” Big Day” 一日相,最後"全為您"話d相全部唔見晒,而家過左半年都未作賠償。
http://blog.yahoo.com/victim_Golden_Plaza
金都 全為您婚禮統籌公司

於2013年2月,在金都商場的"全為您"請攝影師影 ” Big Day” 一日相,我地先比訂公司, 再在'” Big Day”完結當晚比左尾數攝影師. 冇接新娘, 工作只包午餐同晚餐。

"全為您"老細湯先生3月時稱相會遲d比,因攝影師不在香港。
2013年4月-5月, 多次同"全為您"老細湯先生接觸,要求告知相的下落. "全為您"老細湯先生稱攝影師不見了, 問不到相的下落。
我們同時已向消費者委員會投訴。消費者委員會話我地只能從法律途徑追討,該會無權力跟進。

攝影師終於在7月頭接觸我們講番件事:
佢話喺3月頭在 "全為您" 的studio 比人偷相機卡同尾數(現金千多元)之後, 圖中嘅"全為您"老細湯先生叫攝影師唔好報盜竊, 只係報遺失
-->差人不會對事件進行任何調查。
"全為您"湯先生又叫攝影師唔好聽我地電話, 與此同時, 湯生就將唔見相嘅責任推晒比一個 "被潛水" 嘅攝影師, 話攝影師整唔見晒D錢同卡, 連湯生自己都搵唔到佢.

"全為您"湯生不相片被盜後唔報警,並刻意對客隱瞞真相,耍左我地幾個月, 目的係唔想賠償。

人地一生人應該最開心的回憶就咁比佢變成一生的遺憾!!

事件仍在跟進中,會從法律途徑追討到底~

ff1243 | 2013-07-29 03:54 PM

登入登記成為會員即可留言回覆。