VC -- Wedding Planner

9相片文章 | 0影片文章 | 39168瀏覽次數

我們為準新人提供一條龍的婚禮統籌的貼身服務 , 從婚禮盟訂、婚禮形式、挑選禮服、傳統習俗、遊戲玩樂、髮型化妝、喜帖設計、回禮精品設計、到新婚回門、 安排蜜月等的一切程序、疑難及貼士 , 都一一提供策劃及專業意見。 Tel: 31181887

婚事投訴版:觀塘婚紗店 Envi Bridal(永情婚紗)
2012-07-24 04:37 AM | 25552次瀏覽

請幫忙分享這個post:

壹周刊投訴版:觀塘婚紗店 Envi Bridal(永情婚紗)

[size=18]準備結婚既你,如果對在觀塘工業區的這間鋪有興趣,一定要睇以下內文,否則隻會好似我地咁中伏,唔見錢之餘亦無咗唔少精神同時間。千萬唔好因為平價而吸引,最終導致得不償失。

由於這間鋪不負責任的態度實在令我地感到太失望,我地已分別向消委會及壹週刊作出投訴(詳見附圖)

以下系我地既親身經歷:
我系網上見到這間鋪既宣傳,就同老公上去間樓上舖睇衫,雖然眼見隻有一兩件合心水,但由於當時老闆同老闆娘既態度好熱情,所以我地開始傾package。我表示大部衫都系公主泡泡裙款,A-line極少,但當時老闆娘遊說我地:「我地隻系剛剛開業,款式未齊架,唔通我地隻系做一類既客咩,個個新娘都想多D唔同既裙款的,不用擔心,遲D實選到的」。重話每一兩個月就會返新貨,會有好多新衫,A-line當然都會返,又可以無限轉款,上網亦可以揀衫款。當時我正在考慮中,但老闆娘再次遊說:「遲少少揀都不成問題,實揀到的,仲話優惠唔系成日有。(註意:佢地sell客手法系,話自己系啱啱結婚,系過來人,會俾好多建議你,令你會覺得佢地好為新人著想同埋好似識好多嘢咁。而且,呢間鋪其實長期都做優惠的!!!)我地個package系可以造租(自訂款式)一套衫既,由於個package幾吸引,所以我地即時全數full pay(必須)。

我既惡夢亦從此開始喇,當我幾個月後約時間上去睇衫時,佢地成日都話full booking,無時間俾到我,當我終於約到上去啦,又發現所謂既 「新衫」 數量是幾隻手指都數得出,仲要又系泡泡裙,A-line唔見影。至於做租個套就俾左參考圖佢地,但未開始度身做。

呢個時候,老闆老闆娘兩人態度180度轉變,上到去同你打個招呼後就唔點理你,亦無傾過造租衫設計圖,呢d系咩服務?我知道人人有情緒,我要體諒下佢,但傾多幾次都系咁,唔通我真系攞苦黎辛,貼錢買難受?我睇在自己俾左錢份上,忍。

呢個期間佢地唯一可取既地方系:之前應承左俾我著去pre-wedding套婚紗,我們也可租用,這亦是我地唯一用既衫。當距離BigDay隻有3個月時,作為新人,面對好多繁瑣既婚禮事項,仍然要為著呢間舖既所謂承諾究竟能否兌現而煩惱,實在萬般不想,但卻要硬著頭皮去處理!!(所以,大家真系要三思啊) 當然,結果都系失望啦,我再打電話想約上去睇新衫,問及有關返新貨既時間時,老闆娘突然系電話度講:「我覺得同你合作唔到,我退錢俾你啦。」我立刻答好,咁退錢當乜事都無發生過!反正佢地服務態度咁差。

之但系,過兩日老闆主動打電話話可退錢,但要扣番pre-wedding個套衫錢,OK我明白,呢個系我應該俾既。另外仲要扣埋做租新衫個套錢!再加埋我上去試衫既 「服務」 而涉及的行政費用,總共$XXXX,嘩,禁住黎搶呀!都未做租就要扣錢?設計圖都完全未傾過,再者,所謂行政費,你話值幾多都得啦,試問我唔試衫,又如何租衫呢?這本來就系一個連帶既服務,又如何可以拆開計呢?完全系「歪理」!我當然唔肯啦,咪同佢理論囉,前前後後都理論左成半個月,我一蚊都仲未收到,在無助之際,我唯有上消委會投訴,消委會接觸過佢地,但佢地回覆消委會話:佢地唔系無俾服務我,系我唔用者,完全唔記得系佢地自己主動提出唔合作!!!講大話唔駛本

我隻好即時搵過曬d 衫,幸運地,我終於搵到自己鍾意既衫,雖然系俾左double錢,但最重要系自己鍾意之餘亦享受到應有既 」service」。依家我都結左婚,我真系覺得自己好蠢,信錯呢間公司,搞到自己浪費咗唔少精神和時間,真系不值。

總結
其實結婚系一件開心事,點解做生意要做到咁樣?婚嫁行業應該系一個祝福既行業,佢地咁樣欺騙顧客,前言不兌後語,真系行業之恥。

佢地話會不斷返新衫,但其實佢地唔系好多衫可以俾人揀,年中又有咁多新人,你點可以咁容易揀到自己鍾意既衫丫?你揀左佢分分鐘又會話有人mark左,無期,事實上,佢地d衫既總數根本唔足以應付所有客人。想揀到岩心水既衫?想轉款?除非你系新客啊。

以我所知,我唔系第一個,我朋友都中招,又系join後揀唔到衫,之後約唔到上去睇,莫講話轉款,連睇衫既時間都無。最終都系搵過另一間公司提供新娘衫!之但系我朋友搵人打上去扮新客,又唔知點解可以好快咁約到時間上去睇,由此可見,俾錢前同俾錢後既待遇的確唔同。

大家試想想:如果我地唔系憤怒到極點,又點會投訴完消委會後又搵傳媒幫手?因為這間鋪的服務態度真的令人太失望了,大家千萬不要為慳少少錢而搞到自己一身蟻。以我所知,仲有唔少客人遇到類似情況,隻是因為Join了而敢怒不敢言,大家可以上esdlife就知。我都預咗出呢個post後,老闆娘會「化身」不同既身份作「澄清」和「回應」(好低手),眼睛雪亮既你一睇就會明白。

講到呢度,我地都舒了一口氣,最後,希望大家可以廣傳這個post開去,讓你身邊準備結婚的新人瞭解香港有如此的一間「婚紗黑店」,最後祝大家搞結婚順順利利,開開心心!


如有任可報料: [email protected]

甘都得!!

BowieCheung | 2012-07-24 05:58 PM

登入登記成為會員即可留言回覆。